Economic Times report on BSF Summer School --50

TOP NEWS

PanacheView in App

This Bengaluru summer camp keeps the spirit of science alive

The Summer School in Science turns 50 this year. And it continues to expose Class 10 students to all the reasons for a career in science

By Bharath Joshi, ET Bureau | Apr 17, 2017, 04.11 PM IST

BENGALURU: It was 1967. HS Savithri, a teenager, attended a summer science camp in Bengaluru. Her siblings were studying engineering and medicine and she was confused about her own future course. The answer popped up at the science camp when she listened to Sir CV Raman. She would pursue pure sciences.

“I had no idea what the camp would be about,” recalls Savithri, now a biochemistry professor at the IISc. “It opened my eyes to science.” Not just that. Savithri won the Excellence in Science award at the 99th Indian Science Congress.

ADVERTISEMENT

• DISPUTES

  Gangwal digs in, but IndiGo may get stuck

The Summer School in Science turns 50 this year. And it continues to expose Class 10 students to all the reasons for a career in science while keeping its core objective of promoting scientific temper intact. Organised by the Bangalore Science Forum, founded by Gandhian educationist H Narasimhaiah and headquartered at National College, Basavanagudi, it is Bengaluru’s longest running science camp.

From lectures to field visits,” camp director YC Kamala said. The next 12-day camp, which starts April 24, comprises field visits to the International Institute of Information Technology (IIITB), Jawaharlal Nehru Centre for Advanced Scientific Research (JNCASR), Maiya’s and Nimhans.

ADVERTISEMENT

Lectures and experiments are also lined up “to reinforce science for children in the face of software and commerce,” she said. Experts point out that the camp has been running for so many years despite basic science courses losing sheen. “The Bangalore Science Forum is a unique organisation in that it is undeterred by public interest waxing and waning in science,” former IISc director P Balaram said, who taught regularly at the camp in its early years.

At JNCASR, students will get a demonstration of the Raman spectrum by professor Chandrabhas Narayana. He will also talk about why students should look at science as a career. “Children are interested in science but end up choosing engineering or medicine due to parental or peer pressure,” he said. “Have you ever heard a techie talk about work? It’s always about weekends. For scientists, creativity is a daily affair.”

ADVERTISEMENT

The camp is relevant now more than it ever was, Kamala believes. “Then, superstition existed only in practice. Today, it exists in practice and publicity.” Those interested in enrolling, visit bsfsummerschool.blogspot.in

ಮಹಿಳೆ ವಿಜ್ಞಾನ ಮತ್ತು ಎಫ್ ಆರ್ ಎಸ್ ಗೌರವ

ಮಹಿಳೆ ವಿಜ್ಞಾನ ಮತ್ತು ಎಫ್ ಆರ್ ಎಸ್ ಗೌರವ ವಿಸ್ತಾರವಾದ ಕ್ಷೇತ್ರವೇ ಆಗಿದೆ.

ಆದರೆ ಇತ್ತೀಚಿಗೆ ಭಾರತೀಯ ಮಹಿಳೆ ಗಗನದೀಪ್ ಕಾಂಗ್ ಅವರಿಗೆ ಲಂಡನ್ ನಲ್ಲಿರುವ ರಾಯಲ್ ಸೊಸೈಟಿಯು ತನ್ನ ಸದಸ್ಯತ್ವ - ಎಫ್ ಆರ್ ಎಸ್ ಅನ್ನು ನೀಡಿ ಗೌರವಿಸಿದೆ. ಗಗಣದೀಪ್ ಕಾಂಗ್ ಫರೀದಾಬಾದ್ ನಲ್ಲಿರುವ Translational Health Science and Technology Institute (THSTI)ಸಂಸ್ಥೆಯ ಕಾರ್ಯನಿರ್ವಾಹಕ ನಿರ್ದೇಶಕಿಯಾಗಿರುವರು.

ಅಧುನಿಕ ವಿಜ್ಞಾನ ವ್ಯಕ್ತಿಗತ ನೆಲೆಯಿಂದ ಸಾಂಸ್ಥಿಕನೆಲೆಗೆ ಸ್ಥಿತ್ಯಂತರ ಗೊಳ್ಳುವ ಹೊತ್ತಿನಲ್ಲಿ ಪ್ರಾರಂಭವಾದ ಸಂಸ್ಥೆಯೇ ರಾಯಲ್ ಸೊಸೈಟಿ (November 28, 1660,). ಇದರ ಜೊತೆಗೆ ಬ್ರಿಟಿಷ್ ಅಸೋಸಿಯೇಷನ್ ಫಾರ್ ಅಡ್ವಾನ್ಸ್ಮೆಂಟ್ ಆಫ್ ಸೈನ್ಸ್ (1831 ) ಸಹ ಸೇರಿದೆ.

ಒಂದು ಕಾಲಕ್ಕೆ ನ್ಯೂಟನ್ ಈ ಸಂಸ್ಥೆಯ ಅಧ್ಯಕ್ಷನಾಗಿದ್ದನು( (1703–1727).

ಸಂಸ್ಥೆಯು ಪ್ರಾರಂಭವಾದ 345 ವರ್ಷಗಳ ನಂತರ ಮೊದಲಬಾರಿಗೆ Kathleen Lonsdale(1945) ಎಂಬ ಮಹಿಳೆಗೆ ಇವರಿಗೆ ಎಫ್ ಆರ್ ಎಸ್ ಸದಸ್ಯತ್ವ ದೊರಕುತ್ತದೆ. ಇದು ಸುಮ್ಮನೆ ಸಾಧ್ಯವಾಗಲಿಲ್ಲ Dorothy Hodgkin(1947ರಲ್ಲಿ ಎಫ್ ಆರ್ ಎಸ್ ಗೌರವವು ದೊರೆಯಿತು) ರವರು ಮಾಡಿದ ಪ್ರಯತ್ಫ- ಹೋರಾಟದ ಫಲವಾಗಿ ಮಹಿಳೆಯರಿಗೆ ರಾಯಲ್ ಸೊಸೈಟಿಯ ಪ್ರವೇಶ ದೊರೆಯಿತು. Dorothy Hodgkin ಪೆನ್ಸಿಲಿನ್ ಹರಳುಗಳ ರಚನೆಯನ್ನು ಕಂಡುಹಿಡಿದಾಕೆ. ೧೯೪೦ರ ದಶಕದಲ್ಲಿ ಒಂದು ದಿನ ಆಕೆ ರಾಯಲ್ ಸೊಸೈಟಿಯ ಮೆಟ್ಟಿಲುಗಳ ಮೇಲೆ ಕುಳಿತಿದ್ದಾಗ ಹೊರಬಂದ ವಿಜ್ಞಾನಿಯೊಬ್ಬರು ನೀನು ಯಾರು? ಇಲ್ಲೇಕೆ ಕುಳಿತಿರುವಿ? ಎಂದು ಕೇಳಿದಾಗ ತನ್ನನು ಪರಿಚಯಿಸಿಕೊಂಡ ಡಾರತಿ ತಾನು ಪೆನ್ಸಿಲಿನ್ ಹರಳುಗಳ ರಚನೆಯನ್ನು ಕಂಡುಹಿಡಿದಿರುವುದಾಗಿ ಹೇಳಿದರು . ಅದಕ್ಕೆ ಪ್ರತಿಕ್ರಿಯಿಸಿದ ಅವರು ನಿಮಗೆ ನೊಬೆಲ್ ಪಾರೀತೋಷಕ ಲಭಿಸುವುದೆಂದು ತಿಳಿಸಿದರು. ಅದಕ್ಕೊಪ್ಪದ ಡಾರತಿ ತನಗೆ ಎಫ್ ಆರ್ ಎಸ್ ಗೌರವ ಬೇಕೆಂದು ತಿಳಿಸಿದರು . ಅದು ಕಷ್ಟವಾಗಬಹುದೆಂದು ಆ ವಿಜ್ಞಾನಿ ತಿಳಿಸಿದರು. ಆದರೆ ಡಾರತಿ ಇದಕ್ಕಾಗಿ ಹಲವು ಮಹಿಳಾ ವಿಜ್ಞಾನಿಗಳೊಂದಿಗೆ ಹೋರಾಟವನ್ನೇ ಮಾಡುತ್ತಾರೆ .

ಎಫ್ ಆರ್ ಎಸ್ ಗೌರವವು ನೊಬೆಲ್ ಪಾರೀತೋಷಕಕ್ಕಿಂತ ಮಿಗಿಲಾದುದು ಎಂದು ವಿಜ್ಞಾನಿ ವಲಯ ಪರಿಗಣಿಸುತ್ತದೆ.

ಡಾರತಿ ಹಲವು ಬಾರಿ ಬೆಂಗಳೂರಿಗೆ ಬಂದಿದ್ದಾರೆ . ಒಮ್ಮೆ ಬೆಂಗಳೂರು ವಿಜ್ನ್ಯಾನ ವೇದಿಕೆಯಲ್ಲಿ ಉಪನ್ಯಾಸ ನೀಡಿದ್ದಾರೆ

1660 ರಲ್ಲಿ ಸಂಸ್ಥೆ ಪ್ರಾರಂಭವಾದಾಗಿನಿಂದ ಇಲ್ಲಿಯವರೆಗೆ ಸು. 8000 ವಿಜ್ಞಾನಿಗಳು ಗೌರವ ಪಡೆದಿದ್ದಾರೆ ಅವರಲ್ಲಿ 2018ರ ಲೆಕ್ಕದಂತೆ ಸು 1800ಜನರು ಬದುಕಿದ್ದಾರೆ ಇದರಲ್ಲಿ ಮಹಿಳಾ ವಿಜ್ಞಾನಿಗಳ ಸಂಖ್ಯೆ ಶೇ8.5ರಷ್ಟಾಗಿದೆ.

ಈ ಹಿನ್ನೆಲೆಯಲ್ಲಿ ನೋಡಿದಾಗ ಭಾರತದ ಮಹಿಳಾ ವಿಜ್ಞಾನಿಯೊಬ್ಬರು ಖಾತೆ ತೆಗೆದದದ್ದು ಮಹತ್ವದ ಅಂಶವೇ ಆಗಿದೆ.

ಈ ಹಿಂದೆ ಭಾರತೀಯ ಮೂಲದ ಮಹಿಳೆಗೆ ದೊರಕಿಲ್ಲವೇ ಎಂದು ನೋಡಿದಾಗ ನೊಬೆಲ್ ಪ್ರಶಸ್ತಿ ವಿಜೇತ ವೆಂಕಿ ರಾಮಕೃಷ್ಣನ್ ಅವರ ತಂಗಿ ಸೂಕ್ಶ್ಮಾಣು ತಜ್ಞೆ ಲಲಿತ ರಾಮಕೃಷ್ಣನ್ಅವರಿಗೆ 2018ರಲ್ಲಿ ದೊರಕಿದೆಯಾದರೂ ಅವರ ಪೌರತ್ವ ಅಮೆರಿಕನ್ ದೇಶದ್ದಾಗಿರುವುದರಿಂದ ಪ್ರಶಸ್ತಿಯ ಲೆಕ್ಕ ಆ ದೇಶಕ್ಕೆ ಸೇರಿದ್ದು.

ದಿವಂಗತರಾದ ನ್ಯೂಟನ್, ಐ ನ್ ಸ್ಟೀನ್ , ಜೆ ಸಿ ಬೋಸ್ , ಸಿ ವಿ ರಾಮನ್ , ಮೇಘನಾದ ಸಹ ಹಾಗೂ ಅಪ್ಪಟ ಬೆಂಗಳೂರಿನ ಕನ್ನಡಿಗ ರೊದ್ದಂ ನರಸಿಂಹ ಮುಂತಾದವರು ಈ ಸಂಸ್ಥೆಯ ಗೌರವ ಪಡೆದಿರುವರು. ಇವರ ಸಾಲಿಗೆ ಗಗನದೀಪ್ ಕಾಂಗ್ ಸೇರುತ್ತಾರೆ ಆದ್ದರಿಂದ ಇದು ಹೆಚ್ಹಿನ ಮಹತ್ವ ಪಡೆದಿದೆ .

ಆದುನಿಕ ಭಾರತದ ವಿಜ್ಞಾನ ಪರಂಪರೆಯಲ್ಲಿ ಏಷಿಯಾಟಿಕ್ ಸೊಸೈಟಿ(1784) , ಇಂಡಿಯನ್ ಅಕಾಡೆಮಿ ಆಫ್ ಕಲ್ತಿವಷನ್ ಆಫ್ ಸೈನ್ಸಸ್(1876) ಮತ್ತು ಭಾರತೀಯ ವಿಜ್ಞಾನ ಕಾಂಗ್ರೆಸ್ (1914) ಇವೆಲ್ಲವೂ ಪ್ರಮುಖ ಪಾತ್ರವಹಿಸುತ್ತವೆ. ಇವುಗಳ ಪ್ರಾರಂಭವು ರಾಯಲ್ ಸೊಸೈಟಿ (November 28, 1660,) ಬ್ರಿಟಿಷ್ ಅಸೋಸಿಯೇಷನ್ ಫಾರ್ ಅಡ್ವಾನ್ಸ್ಮೆಂಟ್ ಆಫ್ ಸೈನ್ಸ್ (1831 ) ಈ ಸಂಸ್ಥೆಗಳಿಂದ ತಮ್ಮ ಪ್ರೇರಣೆ ಪಡೆದಿವೆ.

ಗಣಿತಜ್ಞ The Viscount Brouncker (1662–1677) ರಾಯಲ್ ಸೊಸೈಟಿಯ ಪ್ರಾರಂಭಿಕ ಅಧ್ಯಕ್ಷರಾದರೆ ಪ್ರಸ್ತುತ ಭಾರತೀಯ ಮೂಲದ Venkatraman Ramakrishnan (2015–present) ಅಧ್ಯಕ್ಷರಾಗಿದ್ದಾರೆ .

ಗಗನ ದೀಪ್ ಕಾಂಗ್ ಅವರೊಂದಿಗೆ ಪದ್ಮಭೂಷಣ ಯೂಸುಫ್ ಹಮೈದ್ , ಪ್ರೊ ಗುರುದ್ಯಾಲ್ ಬೆಸ್ರ , ಪ್ರೊ. ಮಂಜುಲ್ ಭಾರ್ಗವ್ , ಪ್ರೊ. ಅನಂತ್ ಪರೇಖ್ ಮತ್ತು ಪ್ರೊ. ಅಕ್ಷಯ್ ವೆಂಕಟೇಶ್ ಎಫ್ ಆರ್ ಎಸ್ ಗೌರವಕ್ಕೆ ಪಾತ್ರರಾಗಿದ್ದಾರೆ .

ಕಪ್ಪು ಕುಳಿ ಆಲಿಯಾಸ್ ಕೃಷ್ಣ ವಿವರ ಅಲಿಯಾಸ್ ಬ್ಲಾಕ್ ಹೋಲ್ ಇದರ ಪ್ರಥಮ ಛಾಯಾಚಿತ್ರ - ಏನಿದರ ವಿಶೇಷ ?

ಕಪ್ಪು ಕುಳಿಗಳ ಇಂದಿನ ಫೋಟೋ ವಿಶ್ವಾದ್ಯಂತ ಸಂಚಲನ ಮೂಡಿಸಿದೆ. ಏಕೆಂದರೆ ಇದುವರೆಗೂ ಇದನ್ನು 'ನೋಡಲು' ಸಾಧ್ಯವಾಗಿರಲಿಲ್ಲ.

ಸೂರ್ಯನಿಗಿಂತ ಹಲವು ಪಟ್ಟು ದೊಡ್ಡದಾದ ನಕ್ಷತ್ರಗಳ ವಿಕಾಸದ ಅಂತಿಮ ಹಂತ ಕಪ್ಪು ಕುಳಿಗಳು .

ಈ ಆಕಾಶಕಾಯಗಳು ಕಣ್ಣಿಗೆ ಕಾಣುವುದಿಲ್ಲ. ಏಕೆಂದರೆ ಈ ಕಾಯಗಳು ಬೆಳಕನ್ನೂ ಸಹ ತನ್ನಿಂದ ಹೊರಹೋಗಲು ಬಿಡುವುದಿಲ್ಲ . ಇವುಗಳ ವಿಮೋಚನವೇಗ ಅಂದರೆ ಎಸ್ಕೇಪ್ ವೆಲಾಸಿಟಿ ಬೆಳಕಿನ ವೇಗಕ್ಕೆ(ಸೆಕೆಂಡಿಗೆ ೩ ಲಕ್ಷ ಕಿ ಮೀ) . ಸಮನಾಗಿ ಅಥವಾ ಹೆಚ್ಚಾಗಿರುವುದು. ಭೂಮಿಯ ವಿಮೋಚನಾವೇಗ ಸೆಕೆಂಡಿಗೆ ೧೧. ೨ ಕಿ ಮೀ ಇರುವುದು . ISRO PSLV-C37 . ರಾಕೇಟಿನ ವೇಗ ಸೆಕೆಂಡಿಗೆ ೭. ೫ ಕಿ ಮೀ ಇದೆ. ಕಪ್ಪು ಕುಳಿಗಳು ತಮ್ಮ ಅಗಾಧ ಗುರುತ್ವ ಕಾರಣದಿಂದಾಗಿ ತಮ್ಮ ಅಸ್ತಿತ್ವದ ಸುಳಿವನ್ನು ನೇರವಾಗಿ ನಮಗೆ ಬಿಟ್ಟುಕೊಡದಿದ್ದರೂ ಗುರುತ್ವ ಮಸೂರ(Gravitational lensing), ಮತ್ತೊಂದು ನಕ್ಷತ್ರವನ್ನು(ತನ್ನ ಅವಳಿ ಅಥವಾ ತ್ರಿವಳಿ ) ತನ್ನೊಡಲೊಳಗೆ ಸೆಳೆದುಕೊಳ್ಳುವಾಗ ಹೊರಹೊಮ್ಮುವ ವಿಕಿರಣಗಳ ಮುಖಾಂತರ ಪರೋಕ್ಷವಾಗಿ ತಮ್ಮ ಇರುವಿಕೆಯಬಗ್ಗೆ ಸುಳಿವನ್ನು ನೀಡುತ್ತಿದ್ದವು.

ಈ ಆಕಾಶಕಾಯಗಳನ್ನು ಬೆನ್ನತ್ತಿ ಅಭ್ಯಾಸ ಮಾಡಿದವರಲ್ಲಿ ದಿವಂಗತರಾದ ಸ್ಟೀಫನ್ ಹಾಕಿಂಗ್ , ಬೆಂಗಳೂರಿನ ಸಿ ವಿ ವಿಶ್ವೇಶ್ವರ ಮುಂತಾದವರಿದ್ದಾರೆ .

ಇದರ ಛಾಯಾಚಿತ್ರ ತೆಗೆಯಲು ನಡೆಸಿದ ಅನೇಕ ಪ್ರಯತ್ನಗಳಿಗೆ ಫಲವೆಂಬಂತೆ ಇಂದಿನ ' ಕಪ್ಪು ಕುಳಿಯ ಛಾಯಾಚಿತ್ರ ' ನಮ್ಮೆದುರಿದೆ .

ಈವೆಂಟ್ ಹೊರೈಜನ್ ಟೆಲಿಸ್ಕೋಪ್ ಎಂಬ ದೂರದರ್ಶಕದ ಮುಖಾಂತರ ಎರಡು ವರ್ಶಗಳಿಂದ ನಡೆಸಿದ ಅಧ್ಯಯನ ಮತ್ತು ಕಂಪ್ಯೂಟರ್ ಸಂಸ್ಕರಣದ ಪ್ರಕ್ರಿಯೆಯಿಂದಾಗಿ ಈ ಫೋಟೋ ಮೂಡಿಬಂದಿದೆ.

ಇದರ ಕೆಲವು ವಿವರ ಹೀಗಿದೆ.

ಭೂಮಿಯಿಂದ ೫ * ಹತ್ತರ ಘಾತ ೨೦ ಕಿ ಮೀ. (5x10^20 ಕಿ ಮೀ) ದೂರದಲ್ಲಿರುವ ವಿರ್ಗೋ ನಕ್ಷತ್ರ ಸಮೂಹದ ಮಧ್ಯದಲ್ಲಿ/ ಎಂ ೮೭ ನೀಹಾರಿಕೆ (ಗ್ಯಾಲಕ್ಸಿ ) ಯಲ್ಲಿರುವ ಈ ಕಪ್ಪು ಕುಳಿ ಸೂರ್ಯನಿಗಿಂತ ೬೫೦ ಕೋಟಿಗೂ ಹೆಚ್ಚು ದ್ರವ್ಯರಾಶಿ(ಭಿನ್ನ ರೂಪದಲ್ಲಿ ) ಹೊಂದಿದೆ .

ಕಪ್ಪು ಕುಳಿಗಳು ಕಣ್ಣಿಗೆ ಕಾಣುವುದಿಲ್ಲ ಎಂದಾದರೆ ಫೋಟೋ ಹೇಗೆ ತೆಗೆದಿರಿ? ಎಂಬ ಪ್ರಶ್ನೆ ನಿಮ್ಮದಾದಲ್ಲಿ ಈ ಕೆಳಗಿನ ವಿವರಗಳನ್ನು ಓದಿ.

https://iopscience.iop.org/article/10.3847/2041-8213/ab0ec7

Book release at Udayabhaanu Kalaasangha

ವಿಜ್ಞಾನ,‌ ಗಣಿತ ಕಲಿಯದಿದ್ರೆ ಮಾರಕ

    

Team Udayavani, Apr 13, 2015, 3:40 AM IST

image: https://www.udayavani.com/sites/default/files/styles/article_new_image/public/images/articles/2015/04/13/gnta.jpg?itok=6f3Z89ij

ಬೆಂಗಳೂರು: ವಿದ್ಯಾರ್ಥಿಗಳು ವಿಜ್ಞಾನ ಮತ್ತು ಗಣಿತ ವಿಷಯಗಳಲ್ಲಿ ಉನ್ನತ ಶಿಕ್ಷಣ ಮುಂದುವರಿಸಲು ಹಿಂದೇಟು ಹಾಕುತ್ತಿರುವುದು ದೇಶದ ಅಭಿವೃದ್ಧಿಗೆ ಮಾರಕವಾಗಲಿದೆ ಎಂದು ಸ್ವಾತಂತ್ರ್ಯ ಹೋರಾಟಗಾರ ಎಚ್‌.ಎಸ್‌. ದೊರೆಸ್ವಾಮಿ ಆತಂಕ ವ್ಯಕ್ತಪಡಿಸಿದ್ದಾರೆ. ಉದಯಭಾನು ಕಲಾ ಸಂಘ ಭಾನುವಾರ ಆಯೋಜಿಸಿದ್ದ "ಸುವರ್ಣ ಪುಸ್ತಕಮಾಲೆ' 7ನೇ ಕಂತಿನ ಕೃತಿಗಳ ಲೋಕಾರ್ಪಣೆ' ಸಮಾರಂಭದಲ್ಲಿ ಅವರು ಮಾತನಾಡಿದರು.

ವಿಜ್ಞಾನ ಹಾಗೂ ಗಣಿತ ಕ್ಷೇತ್ರಗಳು ದೇಶವನ್ನು ಅಭಿವೃದ್ಧಿಯತ್ತ ಕೊಂಡಯ್ಯಲಿವೆ. ಈ ಎರಡು ವಿಷಯಗಳು ಕಷ್ಟದಾಯಕ ಎಂಬ ಮನೋಭಾವನೆ ಹೆಚ್ಚಾಗುತ್ತಿರುವುದರಿಂದ ವಿದ್ಯಾರ್ಥಿಗಳು ವಿಜ್ಞಾನ, ಗಣಿತ ವಿಷಯಗಳಲ್ಲಿ ಉನ್ನತ ಶಿಕ್ಷಣ ಪಡೆಯಲು ಹಿಂದೇಟು ಹಾಕುವ ಸಾಧ್ಯತೆಯಿದೆ. ಹಾಗೆಯೇ, ವಿದ್ಯಾರ್ಥಿಗಳ ಆಸಕ್ತಿ ಕೊರತೆಯಿಂದ ಶಾಲೆಗಳಲ್ಲಿಯೂ ಈ ಎರಡೂ ವಿಷಯಗಳ ಭೋಧನೆಗೆ ಹಿನ್ನಡೆ ಉಂಟುಮಾಡಿದೆ. ವಿಜ್ಞಾನ ಹಾಗೂ ಗಣಿತ ಬೆಳವಣಿಗೆ ಆಗದಿದ್ದರೆ ಅದು ದೇಶದ ಅಭಿವೃದ್ಧಿಗೆ ಮಾರಕವಾಗಲಿದೆ ಎಂದು ಎಚ್ಚರಿಸಿದರು.

ಪ್ರಸ್ತುತ ಶಾಲಾ-ಕಾಲೇಜುಗಳಲ್ಲಿ ಮೂಲ ವಿಜ್ಞಾನ ಹೊರತುಪಡಿಸಿ ಅನ್ವಯಿಕ ವಿಜ್ಞಾನವನ್ನೇ ಹೆಚ್ಚು ಭೋದಿಸಲಾಗುತ್ತಿದೆ. ಇದರಿಂದ ಮೂಲ ವಿಜ್ಞಾನ ನಶಿಸುತ್ತಿದೆ. ಅಲ್ಲದೆ, ಭವಿಷ್ಯದಲ್ಲಿ ವಿಜ್ಞಾನ ಕ್ಷೇತ್ರದ ಸಂಶೋಧನೆಗಳ ಪ್ರಮಾಣವೂ ಕುಸಿಯಲಿದೆ. ಭವಿಷ್ಯವನ್ನು ದೃಷ್ಟಿಯಲ್ಲಿಸಿಕೊಂಡು ಶಾಲೆ-ಕಾಲೇಜುಗಳಲ್ಲಿ ಮೂಲ ವಿಜ್ಞಾನ ಭೋದಿಸಲು ಶಿಕ್ಷಕರು ಪ್ರಾಶಸ್ತ್ಯ ನೀಡಬೇಕು ಎಂದು ಸಲಹೆ ನೀಡಿದರು.

ಮಾಜಿ ಸಚಿವೆ ಡಾ. ಲೀಲಾದೇವಿ ಆರ್‌.ಪ್ರಸಾದ್‌ ಮಾತನಾಡಿ, ಯಾವ ಸಾಂಸ್ಕೃತಿಕ ಕಾರ್ಯಕ್ರಮ ಆಯೋಜಿಸದ ಸಂಘ-ಸಂಸ್ಥೆಗಳಿಗೆ ಸರ್ಕಾರ ಈ ಸಾಲಿನ ಬಜೆಟ್‌ನಲ್ಲಿ ಹೆಚ್ಚಿನ ಅನುದಾನ ಮೀಸಲಿಟ್ಟಿದೆ. ಆದರೆ, ನಮ್ಮ ಸಂಸ್ಕೃತಿ ಹಾಗೂ ಪರಂಪರೆ ಉಳಿಸುತ್ತಿರುವ ಪ್ರಮಾಣಿಕ ಸಂಘ-ಸಂಸ್ಥೆಗಳಿಗೆ ಅನುದಾನ ಮೀಸಲಿಟ್ಟಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.

ಕಾರ್ಯಕ್ರಮದಲ್ಲಿ ಕೆ.ಪಿ. ಸುರೇಶ್‌ ಅವರ "ಸುರೇಂದ್ರ ಕೌಲಗಿ', ದೀಪಿಕ ಸಾವಿತ್ರಿ ಅವರ "ಕೆ.ವಿ. ರಮೇಶ್‌', ಡಾ. ಚಿಕ್ಕಣ್ಣ ಯಣ್ಣೆಕಟ್ಟೆ ಅವರ "ಮುದೇನೂರು ಸಂಗಣ್ಣ', ಡಾ.ವೈ.ಸಿ. ಕಮಲಾ ಅವರ "ಡಾ. ಲೀಲಾದೇವಿ ಆರ್‌.ಪ್ರಸಾದ್‌' ಹಾಗೂ ಸುಮಂಗಲ ಎಸ್‌.ಮುಮ್ಮಿಗಟ್ಟಿ ಅವರ ರಚನೆಯ "ಆರ್‌.ಎಲ್‌. ನರಸಿಂಹಯ್ಯ' ಕೃತಿಗಳನ್ನು ಲೋಕಾರ್ಪಣೆ ಮಾಡಲಾಯಿತು. ಉದಯಭಾನು ಕಲಾ ಸಂಘದ ಗೌರವಾಧ್ಯಕ್ಷ ನ್ಯಾ.ಎ.ಜೆ. ಸದಾಶಿವ, ಅಧ್ಯಕ್ಷ ಬಿ. ಕೃಷ್ಣ ಮತ್ತಿತರರು ಉಪಸ್ಥಿತರಿದ್ದರು.

Read more at https://www.udayavani.com/kannada/news/%E0%B2%AC%E0%B3%86%E0%B2%82%E0%B2%97%E0%B2%B3%E0%B3%82%E0%B2%B0%E0%B3%81-%E0%B2%A8%E0%B2%97%E0%B2%B0/54743/%E0%B2%B5%E0%B2%BF%E0%B2%9C%E0%B3%8D%E0%B2%9E%E0%B2%BE%C2%AE%E2%80%8C-%E0%B2%97%E0%B2%A3%E0%B2%BF%E0%B2%A4-%E0%B2%95%E0%B2%B2%E0%B2%BF%E0%B2%AF%E0%B2%A6%E0%B2%BF%E0%B2%A6%E0%B3%8D%E0%B2%B0%E0%B3%86-%E0%B2%AE%E0%B2%BE%E0%B2%B0%E0%B2%95#RjgEvEZGByH6cJEq.99

Book Release program at Hubli

ಡಾ. ಗುರುರಾಜ್ ದೇಶಪಾಂಡೆ ವಿರಚಿತ 'ದೇಶಾವಲೋಕನ' ಲೋಕಾರ್ಪಣೆ
 By Madhusoodhan | Updated: Friday, July 8, 2016, 20:03 [IST] ಹುಬ್ಬಳ್ಳಿ, ಜುಲೈ, 08: 

ಸಮಸ್ಯೆಯನ್ನು ಗುರುತಿಸಿ ಪರಿಹರಿಸಬೇಕು ಬೇಕಾದರೆ ಅದನ್ನು ಪ್ರೀತಿಸಬೇಕು ಎಂದು ದೇಶಪಾಂಡೆ ಫೌಂಡೇಶನ್ ಸಂಸ್ಥಾಪಕ ಗುರುರಾಜ ದೇಶಪಾಂಡೆ ಹೇಳಿದರು. ಅವರು ಗುರುವಾರ ಸ್ಥಳೀಯ ಬಿವಿಬಿ ಕಾಲೇಜ್ ಕ್ಯಾಂಪಸ್ ನಲ್ಲಿರುವ ದೇಶಪಾಂಡೆ ಫೌಂಡೇಶನ್ ಸಭಾಂಗಣದಲ್ಲಿ "ದೇಶಾವಲೋಕನ" ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಮಾತನಾಡುತ್ತಿದ್ದರು.[ದೇಶಾವಲೋಕನ ಸಮಾನ ಸಮಾಜದ ಕನಸಿಗೊಂದು ಮುನ್ನುಡಿ] ಸಮಸ್ಯೆಯನ್ನು ಗುರುತಿಸಬೇಕಾದರೆ ಅದನ್ನು ಪ್ರೀತಿಸಬೇಕು. ಆಗ ಮಾತ್ರ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಲು ಸಾಧ್ಯ. ಈ ರೀತಿಯ ಹಲವಾರು ವಿಷಯಗಳನ್ನು ದೇಶಾವಲೋಕನ ಪುಸ್ತಕದಲ್ಲಿ ನಾನು ಬರೆದಿದ್ದೇನೆ ಎಂದರು. ಉದ್ಯಮಿಗಳಾಗಬೇಕಾದರೆ ಮೊದಲು ಸಮಸ್ಯೆಗಳನ್ನು ಸರಿಯಾಗಿ ಅರ್ಥೈಸಿಕೊಳ್ಳಬೇಕು. ಏಕೆಂದರೆ ನಮ್ಮ ನಡುವೆ ಮೂರು ತರಹದ ವ್ಯಕ್ತಿತ್ವ ಹೊಂದಿರುವ ಜನರಿದ್ದಾರೆ. ಆರಾಮಾಗಿ ಇದ್ದರಾಯಿತು ಎನ್ನುವವರು, ಸಮಸ್ಯೆ ಬಂದರೆ ಏಕೆ ಬಂತು ಎಂದು ಚಿಂತಿಸುತ್ತ ಕುಳಿತುಕೊಳ್ಳುವವರು ಮತ್ತು ಮೂರನೇಯವರು ಸಮಸ್ಯೆ ಬಂದರೆ ಧೈರ್ಯವಾಗಿ ಎದುರಿಸಬೇಕೆನ್ನುವವರು. ಹೀಗಾಗಿ ನಾವು ಮೂರನೇ ತರಹದ ವ್ಯಕ್ತಿತ್ವವನ್ನು ಹೊಂದಿದ್ದರೆ ಮಾತ್ರ ಯಶಸ್ಸು ಪಡೆಯಬಹುದು ಎಂದರು.[ದೇಶಾವಲೋಕನ ಕುರಿತು ಗುರುರಾಜ್ ದೇಶಪಾಂಡೆ ನುಡಿ] ಲೇಖಕರೊಂದಿಗೆ ಸಂವಾದ: ಪುಸ್ತಕವನ್ನು ಶ್ರೀನಿವಾಸ ದೇಶಪಾಂಡೆ ಮತ್ತು ಜಯಶ್ರೀ ದೇಶಪಾಂಡೆ ಬಿಡುಗಡೆ ಮಾಡಿದ ನಂತರ ಲೇಖಕರೊಂದಿಗೆ ಸಂವಾದ ನಡೆಯಿತು. ಸತೀಶ ಚಪ್ಪರಿಕೆಯವರು ಲೇಖಕರಾದ ಗುರುರಾಜ ದೇಶಪಾಂಡೆ ಮತ್ತು ಕನ್ನಡ ಅನುವಾದಕಿ ಬೆಂಗಳೂರು ನ್ಯಾಶನಲ್ ಕಾಲೇಜಿನ ಭೌತಶಾಸ್ತ್ರ ಪ್ರಾಧ್ಯಾಪಕಿ ವೈ.ಸಿ. ಕಮಲಾ ಅವರನ್ನು ಸಂವಾದದಲ್ಲಿ ಪುಸ್ತಕ ಬರೆಯುವಾಗಿನ ಅನುಭವಗಳನ್ನು ಹಂಚಿಕೊಂಡರು. [ಹುಬ್ಬಳ್ಳಿಯಲ್ಲಿ ದೇಶಪಾಂಡೆ ಫೌಂಡೇಶನ್‌ನಿಂದ ಅಭಿವೃದ್ಧಿ ಮಂತ್ರ] ಖ್ಯಾತ ಕವಿ ಚನ್ನವೀರ ಕಣವಿ ಅವರ ಪುತ್ರ ಪತ್ರಕರ್ತ ಬಿಸಿನೆಸ್ ಇಂಡಿಯಾ ಪತ್ರಿಕೆಯ ಸಂಪಾದಕ ಶಿವಾನಂದ ಕಣವಿ ಮತ್ತಿತರರು ಉಪಸ್ಥಿತರಿದ್ದರು. ಸಂವಾದದ ನಂತರ ಗುರುರಾಜ ದೇಶಪಾಂಡೆ ಅವರನ್ನು ಪುಸ್ತಕ ಪಡೆದುಕೊಂಡವರಿಗೆ ಆಟೋಗ್ರಾಫ್ ನೀಡಿ ಶುಭ ಹಾರೈಸಿದರು.

Read more at: https://kannada.oneindia.com/news/dharwad/hubballi-dr-gururaj-deshpande-deshavalokana-book-released-104892.html

ಅಲೆಯ ಲೀಲೆ ತೋರಿದವರು - On Gravitational Waves in Aniketana online magazine.

ಅಲೆಯ ಲೀಲೆ ತೋರಿದವರು…

By admin on March 19, 2016

-ಡಾ. ವೈ.ಸಿ.ಕಮಲಾ

ವಿಶ್ವದ ರಹಸ್ಯವನ್ನು ಭೇದಿಸಲು ಹೊರಟ ವಿಜ್ಞಾನಿಗಳಿಗೆ ದೊಡ್ಡದೊಂದು ಬ್ರೇಕ್ ಸಿಕ್ಕಿದೆ. ವಿಶ್ವ ರಚನೆಗೆ ಸಂಬಂಧಿಸಿದಂತೆ ‘ಮಿಸ್ಸಿಂಗ್ ಲಿಂಕ್’ಗಳನ್ನು ಜೋಡಿಸುವಲ್ಲಿ ಒಂದು ಪ್ರಮುಖ ಕೊಂಡಿ. ಅದುವೇ ಗುರುತ್ವದ ಅಲೆಗಳ ಅಸ್ತಿತ್ವವನ್ನು ವಿಜ್ಞಾನಿಗಳು ಸಾಕ್ಷ್ಯ ಸಮೇತ ಖಚಿತಪಡಿಸಿರುವುದು. ಭೂಮಿಯಲ್ಲಿ ಜೀವಿಗಳ ಉಗಮಕ್ಕೆ ಮುನ್ನ ಹೊರಟ ಗುರುತ್ವ ಅಲೆಯನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.

ದೇಶ-ಕಾಲದ ಹರವಿನಲ್ಲಿ (Space-Time),  ಗುರುತ್ವದ ಅಲೆಗಳ (Gravitational Waves) ಇರುವಿಕೆಯನ್ನು ಪತ್ತೆ ಮಾಡಿದ ಕೀರ್ತಿ ಅಮೆರಿಕ, ಭಾರತದ ವಿಜ್ಞಾನಿಗಳೂ ಸೇರಿದಂತೆ ಇಡೀ ವಿಶ್ವದ ವಿಜ್ಞಾನಿಗಳಿಗೆ ಸಲ್ಲುತ್ತದೆ. ಈ ಮೂಲಕ ವಿಶ್ವ ರಚನೆ ಕುರಿತಾದ ಪುರಾವೆಗಳ ಕ್ರೋಡೀಕರಣಕ್ಕೆ ಗಟ್ಟಿ ಪುರಾವೆಯೇ ಸಿಕ್ಕಿದೆ. ಇದರಿಂದ ಭವಿಷ್ಯದಲ್ಲಿ ಖಗೋಳಶಾಸ್ತ್ರದ ಅಧ್ಯಯನಕ್ಕೆ ಅದರಲ್ಲೂ ವಿಶ್ವದ ರಚನೆಯನ್ನು ಹೊಸ ದೃಷ್ಟಿಕೋನದಿಂದ ನೋಡಲು ಸಾಧ್ಯವಿದೆ.

1990ರ ದಶಕದಲ್ಲಿ The LIGO Scientific Collaboration (LSC) ಗೆ ಚಾಲನೆ ಸಿಕ್ಕಿತು. 15 ದೇಶಗಳ ಬಹಳಷ್ಟು ವಿಶ್ವವಿದ್ಯಾಲಯಗಳು, ವೈಜ್ಞಾನಿಕ ಸಂಶೋಧನಾ ಸಂಸ್ಥೆಗಳ ಸಾವಿರಕ್ಕೂ ಹೆಚ್ಚು ವಿಜ್ಞಾನಿಗಳು, ವಿದ್ಯಾರ್ಥಿ ಸಮೂಹ ಈ ಸಾಹಸದಲ್ಲಿ ತೊಡಗಿಸಿಕೊಂಡಿತ್ತು. ಗುರುತ್ವದ ಅಲೆಗಳನ್ನು ಪತ್ತೆ ಮಾಡುವ ಭೌತವಿಜ್ಞಾನದ ಅತ್ಯಂತ ಮಹತ್ವದ ಪ್ರಯೋಗವನ್ನು Laser Interferometer Gravitational – Wave Observatory (LIGO)  ಮೂಲಕ ನಡೆಸಿಕೊಂಡು ಬರಲಾಗುತ್ತಿದೆ. 1.3 ಶತಕೋಟಿ ಜ್ಯೋತಿರ್ವರ್ಷಗಳಷ್ಟು ದೂರದಲ್ಲಿರುವ ಒಂದರಸುತ್ತ ಮತ್ತೊಂದು ಸುತ್ತುವ ಎರಡು ಕಪ್ಪುರಂದ್ರಗಳು ಪರಸ್ಪರ ಸಮಾಗಮಗೊಂಡಾಗ ಅವುಗಳಿಂದ ಸೃಷ್ಟಿಯಾದ ಗುರುತ್ವದ ಅಲೆಗಳೇ ಈಗ ಸಿಕ್ಕಿರುವುದು. 2015ರ ಸೆಪ್ಟೆಂಬರ್ 14 ರಂದು ಅಮೆರಿಕದ ಲಿವಿಂಗ್​ಸ್ಟನ್ ಮತ್ತು ಹ್ಯಾನ್​ಫೋರ್ಡ್ ನಲ್ಲಿರುವ ಪ್ರಯೋಗಶಾಲೆಗಳಲ್ಲಿ ಗುರುತ್ವದ ಅಲೆಗಳನ್ನು ದಾಖಲಿಸಲಾಯಿತು.

ಲಿಗೊ ವೀಕ್ಷಣಾಲಯ ಪಾತ್ರವೇನು: ಲಿಗೊ ಕೇಂದ್ರಗಳು ವಿಶ್ವದ ಹಲವೆಡೆ ಇವೆ. ಭಾರತದ ಪುಣೆಯಲ್ಲೂ ಲಿಗೊ ಸ್ಥಾಪನೆಗೊಳ್ಳಲಿದೆ. ಅಮೆರಿಕದಲ್ಲಿ ಎರಡು ವೀಕ್ಷಣಾಲಯಗಳು ಇವೆ. ಅವುಗಳೆಂದರೆ, ಲಿವಿಂಗ್ಟನ್​ನಲ್ಲಿರುವ ವೀಕ್ಷಣಾಲಯ ಮತ್ತು ವಾಷಿಂಗ್ಟನ್​ನ ಸಮೀಪದ ರಿಚ್​ಲೆಂಡ್​ನಲ್ಲಿರುವ ಹ್ಯಾನ್​ಫೋರ್ಡ್ ವೀಕ್ಷಣಾಲಯ. ಇವೆರಡೂ ವೀಕ್ಷಣಾಲಯಗಳ ಮಧ್ಯೆ ಇರುವ ಅಂತರ 3,002 ಕಿ.ಮೀ.ಗಳು. ಗುರುತ್ವದ ಅಲೆಗಳನ್ನು ಖಚಿತಪಡಿಸಲು ಇವರೆಡೂ ವೀಕ್ಷಣಾಲಯಗಳ ಪಾತ್ರ ಮಹತ್ವದ್ದು.

ಗುರುತ್ವ ಅಲೆಗಳು ಇವೆರಡೂ ವೀಕ್ಷಣಾಲಯಗಳನ್ನು ಪ್ರವೇಶಿಸಿದ ಅಂತರವು ಕೇವಲ 7 ಮಿಲಿ ಸೆಕೆಂಡ್​ಗಳಷ್ಟು. ಮುಮ್ಮೂಲೆಯ (triangulation)  ಬಳಕೆಯಿಂದಾಗಿ, ಅಲೆಗಳ ಆಗಮನ ಮತ್ತು ವೀಕ್ಷಣಾಲಯವನ್ನು ತಲುಪಿದ ಸಮಯದ ಅಂತರವನ್ನು ಮತ್ತು ಅಲೆಯ ಮೂಲವನ್ನು ನಿಖರವಾಗಿ ಕಂಡುಕೊಳ್ಳಲು ಸಾಧ್ಯವಾಗಿದೆ. ವಿಶ್ವದಲ್ಲೇ ಅತ್ಯಂತ ಕಿರುಮಾಪನ ಮಾಡಲು ಸಾಧ್ಯವಾಗಿರುವುದೂ ಇದೇ ಪ್ರಥಮ, ಅಂದರೆ, ಒಂದು ಪರಮಾಣು ಬೀಜಕೇಂದ್ರಕ್ಕಿಂತಲೂ 10,000 ಪಟ್ಟು ಚಿಕ್ಕದಾದ ಚಲನೆಯನ್ನು ಮಾಪನ ಮಾಡಲಾಗಿದೆ. ಈ ಪ್ರಯೋಗದ ಸೂಕ್ಷ್ಮತೆಗೆ ಒಂದು ಉದಾಹರಣೆ. ಸಹಸ್ರ ಕೋಟಿ ರಾಗಿ ಕಾಳುಗಳ ಮಧ್ಯೆ ಒಂದು ಸಾಸಿವೆ ಕಾಳು ಹುಡುಕಿದಷ್ಟು ಸೂಕ್ಷ್ಮ.

ಭಾರತೀಯ ವಿಜ್ಞಾನಿಗಳ ಪಾತ್ರ: ಈ ಐತಿಹಾಸಿಕ ಯೋಜನೆಯಲ್ಲಿ ಭಾರತೀಯ ವಿಜ್ಞಾನಿಗಳೂ ಮಹತ್ವದ ಪಾತ್ರವಹಿಸಿದ್ದಾರೆ. ಇದು ವಿವಿಧ ದೇಶಗಳ ಸಾಮೂಹಿಕ ಪ್ರಯತ್ನವಾಗಿದ್ದರೂ, ಗಾಂಧಿನಗರದ ಇನ್ಸ್​ಟಿಟ್ಯೂಟ್ ಆಫ್ ಪ್ಲಾಸ್ಮಾ ರೀಸರ್ಚ್, ಪುಣೆಯ ಇಂಟರ್ ಯುನಿವರ್ಸಿಟಿ ಸೆಂಟರ್ ಫಾರ್ ಆಸ್ಟ್ರೊನಮಿ ಮತ್ತು ಆಸ್ಟ್ರೋ ಫಿಸಿಕ್ಸ್ (ಐಯುಸಿಎಎ), ಇಂದೋರಿನ ರಾಜಾರಾಮಣ್ಣ ಸೆಂಟರ್ ಫಾರ್ ಅಡ್ವಾನ್ಸ್ಡ್ ಟೆಕ್ನಾಲಜಿ, ಬೆಂಗಳೂರಿನ ಟಾಟಾ ಇನ್ಸ್​ಟಿಟ್ಯೂಟ್ ಆಫ್ ಫಂಡಮೆಂಟಲ್ ರೀಸರ್ಚ್ ಮುಂತಾದ ಸಂಸ್ಥೆಗಳು ಬಹುಕಾಲದಿಂದ ಗುರುತ್ವ ಅಲೆಯ ಪತ್ತೆಕಾರ್ಯದಲ್ಲಿ ತೊಡಗಿಸಿಕೊಂಡಿವೆ.

ಭಾರತಕ್ಕೇನು ಪ್ರಯೋಜನ

ಭಾರತದಲ್ಲಿ ಲಿಗೊ ಸ್ಥಾಪನೆಯಿಂದ ಮೂರು ಬಗೆಯ ಪ್ರಯೋಜನಗಳಿವೆ.

1 ಭವಿಷ್ಯದಲ್ಲಿ ಭಾರತೀಯ ಖಗೋಳಶಾಸ್ತ್ರದಲ್ಲಿ ತೊಡಗಿರುವ ವಿಜ್ಞಾನಿಗಳಿಗೆ ಗುರುತ್ವದ ಅಲೆಯನ್ನು ಆಧರಿಸಿದ ವಿನೂತನ ಸಂಶೋಧನೆಗಳಿಗೆ ಅನುಕೂಲವಾಗಲಿದೆ. ಇದಕ್ಕೆ ಪೂರಕವಾಗಿ ಹಲವು ಹೊಸ ಯೋಜನೆಗಳನ್ನು ಆರಂಭಿಸಲು ಅವಕಾಶವಿದೆ. ಖಗೋಳ ವಿಜ್ಞಾನಿಗಳಲ್ಲದೆ, ಆಪ್ಟಿಕ್ಸ್, ಲೇಸರ್ಸ್, ಗುರುತ್ವ ಭೌತಶಾಸ್ತ್ರ, ಜ್ಯೋತಿರ್ವಿಜ್ಞಾನ, ಖಭೌತಶಾಸ್ತ್ರ, ಕಾಸ್ಮಾಲಜಿ, ಗಣಕ ವಿಜ್ಞಾನ, ಗಣಿತ ಮತ್ತು ಇಂಜಿನಿಯರಿಂಗ್​ನ ವಿವಿಧ ಶಾಖೆಗಳ ತಜ್ಞರು ಒಟ್ಟಾಗಿ ಕೆಲಸ ಮಾಡುವ ಅವಕಾಶ ಒದಗಿ ಬರಲಿದೆ.

2 ಉದ್ಯಮಕ್ಕೆ ಬಲ: ಉನ್ನತ ಮಟ್ಟದ ಇಂಜಿನಿಯರಿಂಗ್ ಬೆಳವಣಿಗೆಗೆ ಸಹಾಯಕವಾಗಲಿದೆ. ವಿಶ್ವದ ಅತ್ಯಂತ ದೊಡ್ಡ ನಿರ್ವಾತ ಕೊಳವೆಯನ್ನು ನಿರ್ವಿುಸಲು ಇದರ ಅವಶ್ಯಕತೆ ಇದೆ. ವಿವಿಧ ವೈಜ್ಞಾನಿಕ ಸಂಶೋಧನಾ ಸಂಸ್ಥೆಗಳ ಜತೆಗಿನ ಸಹಯೋಗಕ್ಕೆ ಉದ್ಯಮಗಳಿಗೆ ಅವಕಾಶವಿದೆ.

3 ಶಿಕ್ಷಣಕ್ಕೆ ಉಪಯೋಗ: ಮೂಲ ವಿಜ್ಞಾನದತ್ತ ಯುವ ಮನಸ್ಸುಗಳನ್ನು ಸೆಳೆಯಲು ಇಂತಹ ಯೋಜನೆಗಳು ಉಪಯುಕ್ತ. ವಿದ್ಯಾರ್ಥಿಗಳು ಮತ್ತು ಯುವ ವಿಜ್ಞಾನಿಗಳಿಗೆ ಉತ್ತೇಜನ ನೀಡಲು ಸಾಧ್ಯವಾಗುತ್ತದೆ. ಇದಕ್ಕೆ ಮುಖ್ಯಕಾರಣವೆಂದರೆ, ಈ ವೀಕ್ಷಣಾಲಯದಲ್ಲಿ ಬಳಸಲ್ಪಡುವ ತಂತ್ರಜ್ಞಾನ, ಉಪಕರಣಗಳು ಅತ್ಯುನ್ನತ್ತ ಮಟ್ಟದ್ದಾಗಿದ್ದು, ಇವು ಯುವಜನರಲ್ಲಿ ಸಹಜವಾಗಿ ಭೌತಶಾಸ್ತ್ರ ಮತ್ತು ಇಂಜಿನಿಯರಿಂಗ್ ಫಿಸಿಕ್ಸ್​ನಲ್ಲಿ ಆಸಕ್ತಿ ಮತ್ತು ಕುತೂಹಲ ಮೂಡಿಸುತ್ತವೆ. ಪರಿಣಾಮ ಈ ಕ್ಷೇತ್ರದಲ್ಲಿ ಶಿಕ್ಷಣ ಪಡೆದು ಬದುಕು ರೂಪಿಸಿಕೊಳ್ಳುವ ಬಗ್ಗೆ ಚಿಂತನೆ ನಡೆಸುತ್ತಾರೆ. ಬೇರೆ ದೇಶಗಳಲ್ಲೂ ಇಂತಹ ಯೋಜನೆಗಳಿಂದ ಭೌತಶಾಸ್ತ್ರದತ್ತ ಆಕರ್ಷಿತರಾಗಿದ್ದಾರೆ. ಈ ವೀಕ್ಷಣಾಲಯವು ಪೂರ್ಣಗೊಂಡಾಗ ಭಾರತದಲ್ಲಿ ಕೆಲವೇ ಕೆಲವು ಅಂತಾರಾಷ್ಟ್ರೀಯ ಮಹತ್ವದ ಅತ್ಯುನ್ನತ ವೈಜ್ಞಾನಿಕ ಸೌಲಭ್ಯಗಳ ಪೈಕಿ ಇದೂ ಒಂದಾಗಲಿದೆ. ದೇಶದಲ್ಲಿ ವೈಜ್ಞಾನಿಕ ಬೆಳವಣಿಗೆಗೆ ಇದೂ ನೆರವಾಗಲಿದೆ.

ಹೊಸ ಯುಗದ ಆರಂಭ

ಗುರುತ್ವದ ಅಲೆಯ ಪತ್ತೆಯು ಭೌತಶಾಸ್ತ್ರ ಮತ್ತು ಖಗೋಳವಿಜ್ಞಾನ ಕ್ಷೇತ್ರದಲ್ಲಿ ಹೊಸ ಯುಗಕ್ಕೆ ನಾಂದಿ ಹಾಡಲಿದೆ. ವಿಶ್ವದ ರಚನೆ, ಅಸ್ತಿತ್ವದ ಬಗೆಗಿನ ಚಿತ್ರಣಕ್ಕೆ ಮತ್ತೊಂದು ಪುರಾವೆ ಸಿಕ್ಕಿದೆ. ಅಂದರೆ, ಈ ಗುರುತ್ವದ ಅಲೆಗಳ ಮೂಲಕ ವಿಶ್ವವು ನಮ್ಮೊಂದಿಗೆ ಮತ್ತೊಮ್ಮೆ ಸಂಭಾಷಿಸಿದೆ. ವಿಶ್ವದ ಅಸ್ತಿತ್ವದ ಬಗ್ಗೆ ತಿಳಿಸುವ ಮೂಲಭೂತ ಸಂಶೋಧನೆ ಇದಾಗಿದ್ದು, ಕಾಲ-ದೇಶದ ಹರವಿನ ಬಗ್ಗೆ ಮತ್ತೊಂದಷ್ಟು ಮೂರ್ತರೂಪವನ್ನು ನಮಗೆ ನೀಡಿರುವುದಲ್ಲದೆ, ಹೊಸ ಸಂಶೋಧನೆಗಳಿಗೆ ನಾಂದಿ ಹಾಡಿದೆ. ಗುರುತ್ವದ ಅಲೆಯ ಪತ್ತೆ ಕಪ್ಪುರಂದ್ರ ಇರುವಿಕೆಯನ್ನು ಸಾಬೀತು ಮಾಡಿದೆ.

One of the Report on Digital Kranti mattu Bhaarata Book release program

ಬೆಂಗಳೂರಿನಲ್ಲಿ ಡಿಜಿಟಲ್‌ ತಂತ್ರಜ್ಞಾನದ ಹೃದಯ

Posted By: Karnataka News BureauPosted date: June 20, 2016 5:59 amIn: ಕರ್ನಾಟಕ

ಬೆಂಗಳೂರು: ‘ಡಿಜಿಟಲ್‌ ತಂತ್ರಜ್ಞಾನದ ಹೃದಯ ಇರುವುದು ಬೆಂಗಳೂರಿನಲ್ಲಿ. ಈ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿರುವ ವಿಶ್ವದ ಪ್ರಮುಖ ಕಂಪೆನಿಗಳೇ ಈ ಮಾತನ್ನು ಒಪ್ಪಿಕೊಂಡಿವೆ’ ಎಂದು ಲೇಖಕ ಶಿವಾನಂದ ಕಣವಿ ಅಭಿಪ್ರಾಯಪಟ್ಟರು.
ತಮ್ಮ ‘ಸ್್ಯಾಂಡ್‌ ಟು ಸಿಲಿಕಾನ್‌: ದಿ ಅಮೇಜಿಂಗ್‌ ಸ್ಟೋರಿ ಆಫ್‌ ಡಿಜಿಟಲ್‌ ಟೆಕ್ನಾಲಜಿ’ ಕೃತಿಯ ಕನ್ನಡಾನುವಾದ ‘ಡಿಜಿಟಲ್‌ ಕ್ರಾಂತಿ ಮತ್ತು ಭಾರತ’ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಅವರು ಮಾತನಾಡಿದರು. ಕೃತಿಯನ್ನು ಡಾ.ವೈ.ಸಿ.ಕಮಲಾ ಅವರು ಕನ್ನಡಕ್ಕೆ ಅನುವಾದ ಮಾಡಿದ್ದಾರೆ.
‘ಡಿಜಿಟಲ್ ಕ್ರಾಂತಿ ಭಕ್ತಿ ಚಳವಳಿ ಇದ್ದಂತೆ. ಕುಲ, ಹಳ್ಳಿ, ರಾಷ್ಟ್ರಗಳನ್ನು ಮೀರಿ ಇದು ವ್ಯಾಪಿಸಿದೆ. ಇದಕ್ಕೆ ಜಾತಿ, ಮತ ಪಂಥಗಳ ಬೇಧವೂ ಇಲ್ಲ. ಜನರ ಒಳಿತಿಗಾಗಿ ಇದನ್ನು ಯಾರು ಬೇಕಾದರೂ ಬಳಸಬಹುದು. ಯಾರು ಬೇಕಾದರೂ ಬೆಳೆಸಬಹುದು’ ಎಂದು ಕಣವಿ ವಿಶ್ಲೇಷಿಸಿದರು.
‘ಭಾರಿ ಪ್ರಮಾಣದ ಸಮಗ್ರ ಸರ್ಕ್ಯೂಟ್‌ (ವೆರಿ ಲಾರ್ಜ್‌ ಸ್ಕೇಲ್‌ ಇಂಟೆಗ್ರೇಟೆಡ್‌ ಸರ್ಕ್ಯೂಟ್‌) ರೂಪಿಸುವ ತಂತ್ರಜ್ಞಾನ ಹೊಂದಿರುವ ವಿಶ್ವದ ಮೂರು ಮುಂಚೂಣಿ ರಾಷ್ಟ್ರಗಳ ಪೈಕಿ ಭಾರತವೂ ಒಂದು. ಈ ತಂತ್ರಜ್ಞಾನದಲ್ಲಿ ಅಮೆರಿಕ ಅಗ್ರಸ್ಥಾನದಲ್ಲಿದ್ದರೆ, ಇಸ್ರೇಲ್‌ ನಂತರದ ಸ್ಥಾನದಲ್ಲಿದೆ. ಫೈಬರ್‌ ಆಪ್ಟಿಕ್ಸ್‌, ಎಂಪಿ3, ಎಚ್‌ಡಿಟಿವಿ, ಮೊಬೈಲ್‌ ಫೋನ್‌ಗಳಲ್ಲಿ ಬಳಸುವ ಕೋಡಿಂಗ್‌ ತಂತ್ರಜ್ಞಾನಗಳ ಮೂಲಕರ್ತೃಗಳು ಭಾರತೀಯರು ಎಂಬುದು ಬಹುತೇಕರಿಗೆ ತಿಳಿದಿಲ್ಲ’ ಎಂದರು.
‘ದೇವಾಲಯವನ್ನು ನಿರ್ಮಿಸುವಾಗ ಯಾರೋ ಕಲ್ಲು ಕಟ್ಟುತ್ತಾರೆ. ಇನ್ನೊಬ್ಬರು ಕಲಶ ಇಡುತ್ತಾರೆ. ಕಲಶ ಇಟ್ಟವರೇ ದೇವಾಲಯ ನಿರ್ಮಿಸಿದರು ಎನ್ನಲಾಗದು. ತಂತ್ರಜ್ಞಾನದ ಕೊಡುಗೆಯೂ ಅದೇ ರೀತಿ. ತಂತ್ರಜ್ಞಾನಗಳ ಅಭಿವೃದ್ಧಿ ನಿಟ್ಟಿನಲ್ಲಿ ವಿಶ್ವದಾದ್ಯಂತ ಏಕಕಾಲದಲ್ಲಿ ಅನೇಕ ಕೆಲಸಗಳು ನಡೆಯುತ್ತಿರುತ್ತವೆ’ ಎಂದು ವಿವರಿಸಿದರು.
ಜವಹರಲಾಲ್‌ ನೆಹರೂ ವೈಜ್ಞಾನಿಕ ಉನ್ನತ ಅಧ್ಯಯನ ಸಂಸ್ಥೆಯ ವಿಜ್ಞಾನಿ ಡಾ.ರೊದ್ದಂ ನರಸಿಂಹ ಮಾತನಾಡಿ, ‘ಬೆಂಗಳೂರು ಹಿಂದೆ ವಿಜ್ಞಾನ ನಗರ, ವೈಮಾಂತರಿಕ್ಷ ನಗರ ಎಂದು ಖ್ಯಾತವಾಗಿತ್ತು. ಈಗ ಮಾಹಿತಿ ತಂತ್ರಜ್ಞಾನದ ನಗರ ಎಂದು ಗುರುತಿಸಿಕೊಂಡಿದೆ. ನಗರದ ಮಾತೃ ಭಾಷೆಯಾದ ಕನ್ನಡದಲ್ಲಿ ಇಂತಹ ಕೃತಿಯ ಅಗತ್ಯ ಇತ್ತು’ ಎಂದರು.
‘ಕಿಸೆಯಲ್ಲಿ ಮೊಬೈಲ್‌ ಇಟ್ಟುಕೊಳ್ಳುವ ಕಾಲ ಬರುತ್ತದೆ ಎಂದು 25 ವರ್ಷ ಹಿಂದೆ ಯಾರೂ ಯೋಚಿಸಿಯೂ ಇರಲಿಲ್ಲ. ತಂತ್ರಾಂಶವನ್ನು ಚೆನ್ನಾಗಿ ರೂಪಿಸಬಲ್ಲೆವು ಎಂಬುದನ್ನು ನಾವೇ ಮೊದಲು ಗ್ರಹಿಸಿದ್ದರಿಂದ ಈ ಕ್ಷೇತ್ರದಲ್ಲಿ ಇತರರಿಗಿಂತ ಹೆಚ್ಚು ಸಾಧನೆ ಮಾಡಲು ಸಾಧ್ಯವಾಯಿತು. 1,500 ವರ್ಷಗಳಿಗೂ ಹಿಂದೆ ಗಣಿತಕ್ಕೂ ನಮ್ಮ ಕೊಡುಗೆ ಮಹತ್ತರವಾದುದು. ವಿಜ್ಞಾನದ ಬೆಳವಣಿಗೆಗೆಲ್ಲಾ ಅದೇ ತಳಹದಿ’ ಎಂದರು.
ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಅಧ್ಯಕ್ಷ.ಡಾ.ಎ.ಎಸ್‌.ಕಿರಣ್‌ ಕುಮಾರ್‌ ಮಾತನಾಡಿ, ‘ಡಿಜಿಟಲ್‌ ಕ್ರಾಂತಿಯಿಂದ ತರಕಾರಿ ಮಾರುವವರಿಂದ ಹಿಡಿದು ಬಡಗಿವರೆಗೆ ಎಲ್ಲರ ಬದುಕಿನಲ್ಲೂ ಬದಲಾವಣೆಗಳಾಗಿವೆ. ಮೊಬೈಲ್‌ ಬರುವ ಮುನ್ನ ಬಹುಮಹಡಿ ಕಟ್ಟಡದಲ್ಲಿದ್ದವರು ಒಂದು ಗ್ಲಾಸ್‌ ಚಹ ಬೇಕಿದ್ದರೂ ಇನ್ನೊಬ್ಬರನ್ನು ಚಹಾ ಮಾರುವವನ ಬಳಿ ಕಳುಹಿಸಬೇಕಿತ್ತು’ ಎಂದರು.
ತಂದೆಗೆ ಸಲ್ಲಿಸಿದ ಗೌರವ
‘ಸ್ಯಾಂಡ್‌ ಟು ಸಿಲಿಕಾನ್‌: ದಿ ಅಮೇಜಿಂಗ್‌ ಸ್ಟೋರಿ ಆಫ್‌ ಡಿಜಿಟಲ್‌ ಟೆಕ್ನಾಲಜಿ’ ಕೃತಿಯ ಲೇಖಕ ಶಿವಾನಂದ ಕಣವಿ ಅವರ ತಂದೆ ಚೆನ್ನವೀರ ಕಣವಿ ಹಾಗೂ ಕೃತಿಯನ್ನು ಕನ್ನಡಕ್ಕೆ ಅನುವಾದಿಸಿದ ಡಾ.ವೈ.ಸಿ.ಕಮಲಾ ಅವರ ತಂದೆ ಪಂಡಿತ ಚನ್ನಪ್ಪ ಎರೋಶೀಮೆ ಅವರಿಬ್ಬರೂ ಕನ್ನಡದ ಹೆಸರಾಂತ ಸಾಹಿತಿಗಳು. ಕೃತಿಯ ಲೇಖಕ ಹಾಗೂ ಅನುವಾದಕಿ ಸೇರಿ ತಂದೆಯಂದಿರ ದಿನ ತಂದೆ ಗೌರವ ಪಡುವಂಥ ಕಾರ್ಯ ಮಾಡಿದ್ದಾರೆ’ ಎಂದು ಸಭಿಕರೊಬ್ಬರು ಹೇಳಿದರು.